په افغانستان کې داروپايي ټولنې دفتر پرون (دوږي شپږمه) داوبو دنړیوالې اوونۍ په پای کې دافغانستان داوبو دکمښت په اړه اندېښنه څرګنده کړه او وایي، چې له دې ننګونې سره مبارزې لپاره ژمن دي.
دې دفتر دا هم ویلي: ”داوبو نړیوالې اوونۍ له پای ته رسېدو سره مو پام دافغانستان خلکو ته راګرځېدلی دی. داوبو کمښت یوه اړینه اندېښنه ده. په ځانګړي توګه په کابل کې، ځکه چې دا دخوړو له خوندیتوب څخه تر عامې روغتیا پورې هرڅه اغېزمنوي.”
دا دفتر وایي: “دا یو ګډ مسوولیت دی. لکه څنګه، چې مونږ په د دې اوونۍ په اړه فکر کوو. غواړو ددې موضوع په اړه خبرې اترې پیل کړو، چې څنګه کولی شو ګډ کار وکړو؛ اوبه اغېزمنې وکاروو او دراتلونکي نسل لپاره یو ډېر ډاډمن راتلونکی جوړ کړو.”
کارپوهانو ویلي، چې کابل ممکن دپېنځه کلونو په اوږدو کې دنړۍ لومړۍ داوبو له کمښت سره مخ پلازمېنه شي. دا په داسې حال کې ده، چې افغانستان له څو کلونو راپدېخوا له پرلهپسې وچکالیو سره مخ دی.