Skip to main content

افغان جرمن آنلاین

Sign In

|

Help (new window)

اخبار روز

افغان جرمن آنلاین > اخبار روز > AgoNews > په کندهار کې دڅښاک پاکو اوبو ته دلاسرسِ ستونزي

AgoNews: په کندهار کې دڅښاک پاکو اوبو ته دلاسرسِ ستونزي

عنوان خبر	په کندهار کې دڅښاک پاکو اوبو ته دلاسرسِ ستونزي
منبع	کلید
تاریخ	8/31/2025 12:00 AM
شرح	دکندهار ښار دځينو سیمو اوسېدونکي وایی، دڅښاک پاکو اوبو نشتون دزیاتو ستونزو سره مخ کړی دي او اوبو دترلاسه کولو لپاره دخپل کور څخه لری مزل کوي او بیا اوبه ترلاسه کوي. دکندهار ښار ۹ ناحیه هغه سیمه ده چي زیات شمیر نفوس پکې اوسیږي او زیاتې کورنۍ یې دپاکو اوبو دنه شتون سره مخ دي. تازه ورته دیوې خیریه موسسې په همکارۍ دپاکو اوبو ذخیره جوړه شوې، چې هره ورځ سلګونه کورنۍ اوبه ځنې وړي او دغه ذخیره یوازې دهمدې سیمې داوسیدونکو لپاره جوړه شوې، خو دنیږدې کلیو اوسیدونکي هم له دغه اوبو څخه استفاده کوي. د ۹ ناحیې اوسیدونکي وايي، دکمزوري اقتصادي حالت له امله نه شي کولای په پیسو اوبه رانیسي، دوی له حکومت څخه غوښتنه کوي چې پاکو اوبو ته دلاسرسي زمینه ددوی په سیمه کې برابره کړي. دکندهار ښار نهمي ناحیې دوه تنه اوسیدونکي عزت الله او عصمت الله پدې اړه وايي. (دلته موږ څلور پنځه مسجده خلګ یوو چي ددغه ځای څخه اوبه وړو، دخلګو نفوس پر ډیر دی او برمه یوه ده اقتصاد مو ډیر کمزوری دی باید داوبو په برخه کې پوره همکاري راسره وشي او نوري برمې هم راته ووهل شي داوبو دنشتون سره مو خلګ ډير زیات ستړي دي.) دکندهار ښار په زیاتره سیمو کې خلګ دپاکو اوبو له نشت سره مخ دي، ددغه ولایت داوبو رسولو ریاست د مسولینو په خبره یوازي پنځلس سلنه کندهار ښاریان دپاکو اوبو شبکو ته لاسرسی لري. دکندهار اوبو رسولو ریاست تخنیکي امر انجینر نیازمحمد مسلم وایي، دوی دهمکاره موسسو په همکارۍ ډیري پروژې ترلاس لاندي لري چي دکندهار ښار ټولو برخو ته پاکي اوبه ورسوي. (دکندهار ښار اوبو رسولو ریاست شاوخوا دوه کال مخکي تر څلور زره فامیله پوري اوبه رسیدلي وي دوچکالۍ له امله هم زیات شمیر خلګ داوبو دنشتون سره مخ دي موږ پوره هڅه او کوښښ کوو چي د ښار په ټولو ساحو کې دپاکو اوبو سیستم فعاله کړو.) دکندهار داوبو رسولو ریاست مسولین وایي، په تیرو دریو کلنو کې یې شپږ زره کورنیو ته دڅښاک پاکي اوبه رسولي او لا هم ځیني نیمګړي پروژې تر لاسه لاندي لري چي د هغه په بشپړه کیدو سره به نورو کورنیو ته هم اوبه ورسیږي.