بخش کلتوری افغان جرمن آنلاین

            شتون

 

ټول پروني، ټول نننی، ټول سبانی نه یمه

لږپرونی، لږنننی، لږسبانی یمه

 

څنګه چې وم ، څنګه چې یم، داسې کېدون لرمه

پرونۍ نـفې، نننی شـتون، سبا زیـږون لرمه

  

د ژوند لړۍ ده، کله ورو، کله ټوپونو راشې

کله څملاسته، کله ځغاسته، کله غورځنګونو راشې

 

که ویره لرې، عقل خپل، کړ ته چمتو کړمه ځان

پرون ته تېر، نن ته نن، سبا به شتون کړمه ځان

پای

 

الـمان، 16/10/2014

ـــــــــــــــــــــــــــــــــــــــــــــــــــــــــــــــــــــــــ

 

            زه زه یم

زما ځان زما دی، ستا نه دی

چې په خندا دې وخاندم او

په ژړا دې وژاړم

زه ستا د کړ پایله نه یم

چې ستا د پرېکړې له مخې

خپله پرېکړه وکړم او ستا

ارادې ته درناوی وکړم

زه  د خپلو ولولو، اندونو،

خیالونو زېرمه او پا یله یم

دا حق لرلی شم چې د خپلې

خوښې سره سم، مېنه اود

خپلو تیروتنو زده کړه وکړم او

هغوۍ ته ښه راغلاست ووایم

پای

ا لما ن ، 18/04/2014